|
muottas muragl - lej muragl - segantini-hütte - alp languard
|
start: |
|
ziel: |
|
laufziit: |
3 std, 30 min |
tüfschte punkt: |
2325 müm |
höchschte punkt: |
2750 müm |
charte 1:25'000: |
|
gwanderet: |
02. september 2007 |
charakter: |
e tour mitere gwaltsussicht i d'see-landschaft vom oberengadin. de weg isch a schöne täg vill begange (zumindescht teil devo), das tuet em gnuss aber kein abbruch. de ufstieg zur segantini-hütte isch rächt steil, aber unschwirig. bim abstieg häts es paar felsigi passage drin, wo aber mit seil gsicheret sind. |
statione: |
|
variante: |
zum verchürze laht mer eifach de abstächer am afang zum lej muragl us. wett mer sich d'höhemeter zu de segantinihütte spare, gits en weg une dure, mehr oder weniger de höhekurve nah.
wett mer d'tour jedoch verlängere, chönt mer allefalls en abstächer zum piz languard mache, isch vo de segantini-hütte mit drü stund ageh. |
tip: |
well de abstieg vo de segantini-hütte zu de alp languard relativ aspruchsvoll isch, technisch gseh, würd ich die tour eher verchert mache, bim ufstieg isch das sicher eifacher. |
hund: |
ja, cha mer guet mache. im see hine chönt de vierbeiner es bad neh. denn gahts am bach nah derab. de ufstieg zur hütte isch zwar wasserlos, aber nöd sehr lang. de weg isch steinig, füehrt aber meischt über grossi felsplatte. d'abschnitt mit kantigerem gröll sind sehr churz und unproblematisch. de abstieg mit de seilsicherige füehrt über griffige fels und sött für en bergerfahrne hund keis problem darstelle. die gueti stund vo de hütte zur alp languard isch wasserlos. isch de vierbeiner nöd sessellift-tauglich, müesst mer de abstieg uf pontresina abe no under d'füess neh. |
|
